Familja e njohur, Haklaj gjatë ditës së sotshme ka shkuar për të ngushëlluar familjen Kelmendi për vdekjen e Qerim Kelmendit.
Të mërkurën e kaluar, Qerim Kelmendi u gjet u vdekur brenda një veture të djegur, transmeton Indeksonline.
Rreth vrasjes së Qerim Kelmendit dit më parë reagoi edhe motra e vëllëzërve Haklaj, Zylfie Haklaj.
“Zoti ju forcoftë për të përballuar këtë dhimbje të madhe. Pushoftë në paqe Qerim Kelmendi.Lavdi jetës dhe veprës së tij heroike, do të jetë i pavdekshëm”, ka shkruar ajo.
Varrimi i të ndjerit u bë dje në orën 15:00 në Varrezat e Dëshmorëve, në Gllogjan.
Ndryshe, ende nuk ka të dyshuar në lidhje me rastin që tronditi Pejën dhe gjithë Kosovën, derisa vet presidenti Hashim Thaçi ka kërkuar që kryesit e kësaj vepre kriminale të vihen para drejtësisë dhe të marrin dënimin e merituar.
