Klubi futbollistik Dukagjini ka njoftuar zyrtarisht afrimin e lojtarit Basit Abdul Khalid, sulmues 29-vjeçar nga Ghana, i cili do të jetë pjesë e skuadrës për sezonin aktual.
Në komunikatën zyrtare të klubit thuhet se marrëveshja është arritur me sukses dhe se Khalid pritet të sjellë përvojë dhe cilësi në repartin ofensiv të ekipit.
“Kemi kënaqësinë të njoftojmë për arritjen e marrëveshjes me sulmuesin Basit Abdul Khalid. 29-vjeçari nga Ghana i bashkohet familjes sonë për këtë sezon, duke sjellë me vete përvojë dhe cilësi në repartin ofensiv,” thuhet në njoftim.
Klubi i ka uruar mirëseardhje lojtarit të ri, duke i dëshiruar suksese me fanellën e Dukagjinit, që aktualisht po përgatitet për pjesën e mbetur të kampionatit.
“Të gjithë në klub i dëshirojmë Khalidit mirëseardhje dhe shumë suksese me fanellën tonë,” përfundon komunikata e klubit nga Klina.
Ky transferim shihet si përforcim i rëndësishëm për skuadrën e Dukagjinit, që synon të përmirësojë formën e saj në ndeshjet e ardhshme.
![Banner Image](https://www.klina.info/wp-content/uploads/2021/12/263816721_427134165618241_6363395797581697382_n.jpg")
