Agron Bacaj nga AAK, kandidati me numrin më të madh të votave në Klinë

Një ditë pas zgjedhjeve parlamentare të parakohshme, KQZ ende nuk ka përfunduar numërimin e të gjitha qendrave të votimit nëpër Kosovë. Mirëpo, në disa komuna numërimi veçse ka përfunduar dhe të dhënat janë të publikura në sajtin e KQZ-së.

Nga të dhënat e publikuara nga KQZ, del se në komunën e Klinës ka fituar LVV me një rezultat prej 30,04%, e ndjekur nga AAK me 23,54% të votave.

Ndërkaq, sa i përket votave të kandidatëve, në bazë të rezultateve preliminare për zgjedhjet e parakohshme për Kuvendin e Kosovës, Agron Bacaj nga AAK, del të jetë kandidati më i votuar nga të gjitha subjektet politike në qendrat e votimit në komunën e Klinës.

Bazuar në këto rezultate, Agron Bacaj ka marrë mbi 2200 vota vetëm në Klinë.