Klubi i KF Dukagjini ka zyrtarizuar rikthimin e mbrojtësit Melos Zenunaj, duke konfirmuar marrëveshjen për fazën pranverore.
Në njoftimin e publikuar nga klubi thuhet se Zenunaj i është bashkuar tashmë ekipit dhe ka shprehur gatishmëri të plotë për sfidat që e presin skuadrën. Mbrojtësi 25-vjeçar rikthehet në “familjen” dukagjinase pas disa aventurave në Kosovë dhe Shqipëri.
“Rikthimi i një lojtari të rritur në radhët tona sjell energji dhe forcon objektivat që kemi vendosur si klub. Mirë se u riktheve në shtëpi, Melos! 💚🤍”
Me këtë lëvizje, Dukagjini synon të forcojë repartin defensiv dhe të rrisë konkurrencën në ekip në vazhdim të kampionatit.
![Banner Image](https://www.klina.info/wp-content/uploads/2021/12/263816721_427134165618241_6363395797581697382_n.jpg")
