Tre persona të lënduar nga Aksidenti në Gllarevë

Një aksident mes një veture dhe një traktori ka ndodhur para pak minutash në magjistralen Pejë-Prishtinë, saktësisht në fshatin Gllarevë. Nga ky aksident kanë mbetur të lënduar tre persona.

Rastin e ka konfirmuar zëdhënësi i Policisë Rajonale të Pejës, Driton Rugova.

“Rreth orës 08:30 kemi marrë një informacion për një aksident mes një veture dhe traktori në fshatin Gllarevë. Nga ky aksident kanë mbetur të lënduar tre persona. Për detaje të tjera do të iu informojmë”, ka thënë Rugova.

Si pasojë e këtij aksidenti, janë krijuar kolona të gjata në këtë magjistrale.