Instituti Hidrometeorologjik i Kosovës ka bërë të ditur se gjatë ditës pritet të mbajë mot me vranësira dhe intervale me diell.
Sipas IHMK-së, vranësirat, vende-vende mund të sjellin edhe riga shiu.
“Temperaturat minimale do të lëvizin ndërmjet 3-5 gradë Celsius, ndërsa maksimalet e ditës parashihen të lëvizin ndërmjet 13-16 gradë Celsius”, thuhet në njoftim.
Temperaturën minimale gjatë ditës pritet ta ketë Dragashi me 3 gradë Celsius, kurse maksimalja e ditës pritet të mbajë në Prizren me 16 gradë.
