Shi dhe borë, ky është parashikimi i motit për fundjavë dhe javën e ardhshme

Këtë fundjavë siç edhe ka filluar do të ketë reshje shiu dhe bore, derisa javën e ardhshme do të jetë mot i ndryshueshëm dhe më i butë me  temperatura maksimale deri në 10 gradë Celsius.

Kjo e shtunë sipas Prishtina Weather do të jetë kryesisht e vranët dhe me shi. Ditën më ftohtë, e të reshurat e shiut do të shndërrohen edhe në borë, që pritet të vazhdojnë edhe gjatë natës.  Vende-vende reshjet mund të jenë më intensive.

27.12 – Më ftohtë, herët në mëngjes reshjet e borës pritet të pushojnë, e pasdite dhe në mbrëmje priten reshje lokale të shiut, të cilat më vonë pushojnë.  Vende-vende mund të bie edhe shi i akullt.

28.12 – Në mëngjes përgjatë ultësirave mjegull ose vranësira të ulëta. Më pas gjatë ditës pjesërisht vranët, me më shumë intervale me diell.

29.12 – Mot i butë, me vranësira dhe diell. Në perëndim të vendit me reshje lokale shiu, e më vonë gjatë ditës edhe në pjesë tjera të vendit. 

30.12 – Kryesisht me vranësira, e kohë pas kohe priten mundësi edhe për reshje lokale shiu. 

Temperaturat e ajrit në fundjavë në rënie, e nga dita e hënë sërish shënojnë rritje mbi vlera mesatare. 

Do të fryj erë mesatare dhe mesatarisht e fuqishme nga verilindja 4-14m/s.

Shtypja atmosferike luhatet përreth vlerave normale, e më pas me tendencë të rënies.