Logo
Kërkoni produkte
“Serbia s’ka guxim me ia mësy Kosovës”, diskutohen deklaratat e Trumpit për situatën Prishtinë-Beograd
26.06.2025 09:06
WASHINGTON, DC – JANUARY 20: President Donald Trump signs executive orders in the Oval Office on January 20, 2025 in Washington, DC. Trump takes office for his second term as the 47th president of the United States. (Photo by Anna Moneymaker/Getty Images)
Deklaratat e njëpasnjëshme të presidentit amerikan, Donald Trump lidhur me “konfliktin” Kosovë-Serbi u diskutua në emisionin “Ora Shtatë”.
Gazetari Vullnet Krasniqi thotë se është shqetësuese që Trumpi po përmend Kosovën dhe Serbinë në një seri të konflikteve që po ndodhin nëpër botë, transmeton Klankosova.tv.
“Nuk e di se a e ka pasur për një sulm të mundshëm të mëparshëm, apo tash. Por për mua është shqetësuese një detaj, që Kosova dhe Serbia, ai po i përmend në një seri të disa konflikteve të tjera që janë duke ndodhur nëpër botë. Kur po e përmend Kosovën dhe Serbinë, po e fut edhe Kongon, edhe Ukrainën dhe Rusinë. Në ndërkohë, Rusia po e përmend dy vende që i takojnë Rusisë dhe me ia njohur si aneksim. Ne pra mund të mbesim si një konflikt në harresë”, u shpreh Krasniqi.
Nga ana tjetër, analisti Azdren Shala thotë se Serbia nuk ka guxim që të ia mësyjë Kosovës, duke përmendur kështu dhe deklaratën e presidentit turk, Recep Tayyip Erdogan, i cili foli rreth prezencës së KFOR-it në veri të vendit.
“Çka është më me rëndësi që e dimë, është se Serbia nuk ka guxim me ia mësy Kosovës në drejtim të Mitrovicës dhe me ardhë, dhe kjo është për prezencën e KFOR-it. Për këtë dje foli edhe Erdogani”, tha Shala.
