Prof. Dr. Zenun Elezaj merr mbështetje të fuqishme në Grabanicë dhe Leskoc

Në prag të zgjedhjeve komunale të 12 tetorit, kandidati për kryetar të Komunës së Klinës, Prof. Dr. Zenun Elezaj, ka marrë një mbështetje të fuqishme nga banorët e fshatrave Grabanicë dhe Leskoc.

Gjatë vizitave të tij në këto dy lokalitete, Elezaj është pritur me entuziazëm nga qytetarët, të cilët kanë shprehur besimin dhe përkrahjen e tyre për mandatin e tij të ardhshëm.

Banorët kanë vlerësuar lart punën dhe angazhimin e tij gjatë mandatit aktual, duke veçuar investimet në infrastrukturë, përmirësimin e shërbimeve komunale dhe mbështetjen për bujqësinë.

Nga ana e tij, kryetari Elezaj ka theksuar se vizioni i tij mbetet ndërtimi i një komune funksionale, zhvillimore dhe gjithëpërfshirëse.

Zgjedhjet komunale në Kosovë do të mbahen më 12 tetor 2025, ku qytetarët do të kenë mundësinë të zgjedhin përfaqësuesit e tyre lokalë për katër vitet e ardhshme.