Nga sot fillon votimi me postë për diasporën për balotazhin

Komisioni Qendror Zgjedhor (KQZ) ka bërë të ditur se nga sot fillon votimi i diasporës për raundin e dytë të zgjedhjeve lokale që është më 14 nëntor.

Në njoftimin e KQZ-së thuhet se mërgata ka në dispozicion 15 ditë për të votuar.

“Për votuesit e regjistruar suksesshëm nga jashtë Kosovës, gjatë periudhës 10 korrik – 18 gusht, KQZ-ja ka vendosur 15 ditë në dispozicion të tyre për të votuar përmes postës. Ky votim fillon më 29 tetor”.

Deri para kësaj date, KQZ-ja planifikon të miratojë dizajnin dhe përmbajtjen e fletëvotimeve, për ta bërë të mundur fillimin e votimit jashtë vendit. Fletëvotimet duhet të pranohen nga KQZ-ja më së largu më 12 nëntor”, thuhet në njoftimin e KQZ-së.

SHARE