Në tri ditët e fundit në territorin e Komunës së Malishevës, nuk është regjistruar asnjë rast i ri me covid-19, ndërsa raste aktive vazhdojnë të mbesin edhe tetë raste. Të dhënat janë në konfirmuara në komunikimin dhe menaxhimin e përbashkët të situatës pandemike, në mes të komunës dhe IKSHPK.
“Pavarësisht kësaj qetësie të situatës me covid në Komunën e Malishevës, ne duhet të vazhdojmë të zbatojmë të gjitha masat dhe rekomandimet e institucioneve përgjegjëse shëndetësore në vend.
Mbani maska, mbane distancën, pastroni duart dhe maksimalisht shmangni vendet ku ka shumë njerëz, pasi vetëm kështu mund ta luftojmë këtë virus”, ka thënë nënkryetari i Komunës së Malishevës, Hajdin Berisha, në emër të shtabit komunal për menaxhimin e situatës me covid në Malishevë.
