Në fshatin Qupevë, zbulohen dy pllaka të UÇK-së të familjes Gashi, që ishte celulë e parë e UÇK-së në këtë anë

Në fshatin Qupevë të Klinës, sot u bë zbulimi i dy pllakave të UÇK-së, të familjes Gashi.
Familja Gashi dha shumë për lirinë e pavarësinë e shtetit të Kosovës, ku njihet si një nga celulat e para të UÇK-së.

Nga kjo familje rrjedhin edhe trimat më të mëdhenj të kësaj ane, siç ishin edhe Fadil e Abaz Gashi (Qupeva).

Madje, Abazi la edhe Zvicrën, për t’u bashkuar me UÇK-së, ku edhe ishte furnizues i armatimit nga Shqipëria.
Në këtë organizim morën pjesë edhe familjarë, miq e bashkëluftëtarë në krye me organizatat e dala nga lufta.
OVL UÇK, dega në Klinë, gjithashtu në këtë ngjarje, ka ndarë mirënjohje, për Abaz Gashin dhe Sadik Gashin, për kontributin që kanë dhënë gjatë luftës së fundit.

SHARE