KQZ sot vendos për kandidatët për deputetë që kanë probleme me ligjin

Komisioni Qendror i Zgjedhjeve (KQZ) do të mbajë sot mbledhjen e radhës ku pritet të vendos për certifikimin e partive politike bashkë me listat e kandidatëve.

Kështu, KQZ siç ka njoftuar mbrëmë Valdete Daka në një debat, sot do të vendos për fatin e kandidimit të 47 personave të cilët kanë probleme me ligjin.

Vendimi për certifikimin e tyre apo jo merret me shumicën e votave të anëtarëve të KQZ-së.

Në rast se ndonjë subjekt politik apo kandidat nuk certifikohet, mund të paraqesë ankesë në PZAP, derisa çështja mund të shkojë deri në Gjykatën Supreme.

Periudha e ankesave dhe e vendosjes për to është paraparë të përmbyllet deri më 31 janar.