KFOR-i dhuron gjak për popullatën e Rajonit të Pejës!

Ka përfunduar nisma e quajtur “Jepni Jetë Jetë Gjak” e përqendruar në mbledhjen e gjakut për popullatën vendore. Realizimi i projektit u mundësua nga ushtarët e KFOR-it që i përkasin kontingjentit italian të Komandës Rajonale Perëndim.
Qëllimi i iniciativës është përballimi i mungesës serioze të gjakut që prek institucionet shëndetësore të pranishme në sektorin perëndimor të Kosovës, ku ushtarët italianë veprojnë për të ruajtur sigurinë dhe stabilitetin në zonë.
Nisma, e realizuar me 23 dhe 26 gusht, u organizua nga stafi i Komandës Rajonale Perëndim në bashkëpunim me mjekët dhe infermierët e Qendrës së Transfuzionit të Spitalit Rajonal të Pejës.
Dhurimi i gjakut u bë në ambulancën mjekësore te Camp “Villaggio Italia”, ku u krijua një dhomë pikërisht për këtë qëllim. Gjatë dy ditëve u dhuruan 47 boca gjaku nga dhuruesit me grupe të ndryshme gjaku. Për të inauguruar ditën e parë të dhurimit ishte komandanti i Komandës Rajonale Perëndim, kolonel Daniele Pisani.
Përgjegjësja e Qendrës së Transfuzionit, Dr. Rrezarta Dresha – Berisha, e cila bashkëpunoi me stafin e kujdesit shëndetësor të Komandës Rajonale Perëndim, shprehu kënaqësi të madhe për rezultatet e konsiderueshme të arritura, duke theksuar rëndësinë e kësaj iniciative falë të cilës, në mënyrë periodike, personeli ushtarak i KFOR-it dhuron rezerva të konsiderueshme gjaku.
Sipas njoftimit, aksioni vjen në periudhën e verës kur Kosova përjeton fenomenin e “Diasporës” e cila përfshin një rritje të konsiderueshme të popullatës kosovare.

SHARE