Këngëtari i njohur kosovar, Art Abazi është larguar nga puna me vetdëshirë në Telekomin e Kosovës.
Këtë e ka konfirmuar artisti për Gazetën Online Reporteri.net, ku ka thënë se ky vendim vjen në kuadër të një pakoje dalëse.
“Po është e vërtetë që jam larguar. Jam pjesë e stafit që ka nënshkruar largimin me vetdëshirë, në kuadër të një pakoje dalëse”, tha shkurtimisht Abazi për Reporteri.net.
Art Abazi në Telekomin e Kosovës punoi për vite të tëra, ndërsa pozita e tij ishte ajo e udhëheqësit kreativ.
Menaxhmeni i PTK-së u ka ofruar një lloj marrëveshje për pensionim të parakohshëm ose largim vullnetar nga puna.
Mjetet financiare për punëtorët që do ta pranojnë njërën nga ofertat pritet të mbulohen nga Qeveria e Kosovës. Deri në fund të prillit të këtij viti, afro 350 punëtorë të Telekomit të Kosovës kanë pranuar deri tani ofertën e Qeverisë për pensionim të parakohshëm ose largim vullnetar nga puna./Reporteri.net/
