I dehur hyn në stacionin policor në Pejë dhe kanos zyrtarët

Një person nën ndikimin e alkoolit ka shkuar në stacionin policor në Pejë dhe fillimisht i ka penguar zyrtarët policorë në kryerjen e detyrës zyrtare e pastaj edhe i ka kanosur edhe tre zyrtarë policorë.

Në raportin 24 orësh të Policisë së Kosovës, ngjarja ka ndodhur të premten rreth orës 23:55 në rrugën “Mbretëresha Teutë”, në Pejë.

Tutje në raport bëhet e ditur se i dyshuari ka qenë nën ndikim të alkoolit me 1.37 promila.

“Është arrestuar i dyshuari mashkull kosovar pasi që i njëjti ka shkuar në Stacion Policor në Pejë, fillimisht i ka penguar zyrtarët policorë në kryerjen e detyrës zyrtare e pastaj edhe i ka kanosur tre viktima meshkuj kosovarë zyrtarë policorë. I dyshuarin ka qenë në ndikim të alkoolit me 1.37 promila”, thuhet në raport.

Me vendim të prokurorit i dyshuari është dërguar në mbajtje./

SHARE