KF Dukagjini dhe General Immo Group kanë nënshkruar një marrëveshje bashkëpunimi, përmes së cilës kompania bëhet Sponsor Gjeneral i klubit për sezonin 2025/26.
Ky partneritet përfaqëson një moment të rëndësishëm në rrugëtimin strategjik të klubit, duke reflektuar angazhimin e përbashkët për zhvillim të qëndrueshëm sportiv dhe organizativ, transmeton KLINA Info.
Mbështetja e General Immo Group vjen si rezultat i vlerësimit për punën e deritanishme të klubit dhe vizionin për të ardhmen.
Bashkëpunimi do të fuqizojë përpjekjet e KF Dukagjinit për të investuar më tej në infrastrukturë, zhvillimin e të rinjve dhe ngritjen e nivelit të përgjithshëm të performancës brenda dhe jashtë fushës së lojës.
KF Dukagjini ka shpreh falënderim të veçantë për General Immo Group për besimin dhe përkrahjen e dhënë.
Ky partneritet është dëshmi se sukseset ndërtohen mbi bashkëpunim, profesionalizëm dhe vizion të përbashkët.
