Banorët e rrugës “Fehmi Lladrovci” në Ujmirë të Klinës ankohen për gjendjen e rrugës

Banorët e rrugës “Fehmi Lladrovci” në fshatin Ujmirë të komunës së Klinës kanë shprehur shqetësimin e tyre lidhur me gjendjen e rëndë të infrastrukturës rrugore në lagjen e tyre, duke përfshirë dhe mungesën e ndriçimit.

Sipas tyre, rruga është e dëmtuar dhe mungon asfaltimi, ndonëse disa segmente në fshat tashmë janë rregulluar.

Përmes një ankese drejtuar redaksisë, banorët thonë se janë lënë pas dore nga komuna dhe kërkojnë trajtim të barabartë.

Madje ata thonë se kjo po ndodhë ngase banorët e këtij fshati janë përkrahës të PDK-së.

Ata kërkojnë nga komuna e Klinës që të përfshihen në projektet infrastrukturore dhe të mos mbeten të përjashtuar nga zhvillimi i zonës.