Arrestohet një 63-vjeçar, dyshohet se i armatosur grabiti institucionin mikrofinanciar “Finca” në Mitrovicë

Një 63-vjeçar është arrestuar në Mitrovicë si i dyshuar për grabitjen që ka ndodhur sot në një institucion mikrofinanciar në rrugën ,,Mbretëresha Teutë” në Mitrovicë,

Lajmin për Sinjalin e ka konfirmuar zëdhënësi i policisë për rajonin e Mitrovicës, Avni Zahiti.

“Pas raportimit të sotëm të rastit te grabitjes, hetuesit e Njësisë se Hetimeve Rajonale kanë ndërmarrë veprime intensive hetimore në identifikimin dhe zbulimin e personave të dyshuar dhe si rezultat i kësaj dhe dyshimeve të arsyeshme në orët e pasdites kanë arrestuar një person të dyshuar”, tha ai.

“I dyshuari D.D 63 vjeçar, është intervistuar në cilësinë e të dyshuarit dhe dyshohet se në këtë rast kanë qenë të përfshirë edhe persona të tjerë”, u shpreh ai.

Në lidhje me rastin është njoftuar prokurori i shtetit ndërsa me urdhër të gjyqtarit të procedurës paraprake është kryer një kontroll në një lokacion ndërsa hetimet janë duke vazhduar për zbardhjen e plotë të këtij rasti.

SHARE