Ministri i Mbrojtjes, Anton Quni sot e ka pranuar zyrtarisht detyrën për ta drejtuar dikasterin që deri tani e drejtonte Rrustem Berisha i AAK-së.
Berisha u shpreh i lumtur që po e lë ministrinë në dorën e Anton Qunit.
Me të pranuar detyrën e re, Quni e ftoi ish-ministrin që të bëhet këshilltar politik i tij gjatë qeverisjes.
Berisha deklaroi se do të pranojë çdo gjë që i kërkohet nga ish-bashkëluftëtari i tij, Anton Quni, në mënyrë që, siç tha ai, ta çojnë përpara Ministrinë e Mbrojtjes.
