Hysen Durmishi, zëvendësministër i infrastrukturës ka njoftuar se asnjë reklamë më nuk do të ketë në autoudhë të Kosovës.
“Sot filluam aksionin për heqjen e reklamave në gjithë brezin rrugor të autoudhëve për të vazhduar me heqjen e të gjitha reklamave në ura, mbikalime e nënkalime në të gjitha rrugët regjionale e nacionale”, ka njoftuar Durmishi.
Tash e tutje, sipas tij, reklamat do të vendosen vetëm në hapësirat ku i lejon ligji dhe duke respektuar kriteret e procedurat.
