Një aksident automobilistik ka ndodhur në Rrugën e Kombit në afërsi të Milotit.
Një makinë tip “Volksëagen” dhe një mjet tip “Benz” janë përplasur me njëra tjetër. TVKlan ka mësuar se si pasojë e kësaj ngjarje janë plagosur pesë persona mes të cilëve janë edhe dy fëmijë.
Sipas të njëjtave burime bëhet fjalë për dy të mitur të moshave 6 dhe 9 vjeç. Ata udhëtonin bashkë me të afërmit e tyre në makinën tip “Volksëagen” dhe mësohet se janë të gjithë nga Kosova.
Të plagosurit janë dërguar me urgjencë në Spitalin e Traumës në Tiranë. Deri më tani nuk dihet gjendja e tyre shëndetësore.
Ndërkohë për shkak të aksidentit, Rruga e Kombit u bllokua për disa minuta./tvklan.al
