Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik,
Një i tillë ka ndodhur sot në fshatin Gllarevë të Pejës, në të cilin, gjashtë persona kanë mbetur të lënduar.
Rastin e ka konfirmuar zëdhënësi i Policisë për rajonin e Pejës, Fadil Gashi
“Gjashtë persona janë lënduar. Ata janë transportuar për në Qendren Kryesore të Mjekësisë Familjare në Klinë. Sipas informatave, gjendja e tyre është jashtë rrezikut për jetën”, u shpreh Gashi.
