Një muaj nga zhdukja e të moshuarit nga Ujëmiri i Klinës, Policia kërkon ndihmën e qytetarëve

Policia e Kosovës, përkatësisht Drejtoria Rajonale e Policisë në Pejë, në bashkëpunim me Prokurorinë Themelore në Pejë, ka lëshuar një kërkesë publike për ndihmë nga qytetarët lidhur me rastin e një personi të zhdukur nga rajoni i Klinës.

Personi i zhdukur është:

Ismet (Tafil) Millaku

I lindur më 07.02.1954

Nga fshati Ujmir, Komuna e Klinës

Sipas njoftimit zyrtar, Policia është duke kërkuar me urgjencë çdo informacion që mund të ndihmojë në lokalizimin e personit të zhdukur. Publikimi i fotografisë dhe të dhënave identifikuese është bërë me autorizim të Prokurorisë, si pjesë e procedurave ligjore për gjetjen e personave të zhdukur.

Kush ka informacione, të kontaktojë menjëherë Policinë

Qytetarët që kanë parë apo kanë informacion mbi vendndodhjen e z. Ismet Millaku, janë të lutur të njoftojnë autoritetet përmes njërit nga këta kanale zyrtare:

Numri pa pagesë: 0800 19999

Numri emergjent: 192

Drejtoria Rajonale në Pejë: 039 432 327

Email: [email protected]