Trajneri i skuadrës spanjolle vdes nga koronavirusi

Një trajner 21-vjeçar i futbollit spanjoll ka vdekur nga koronavirusi, pasi vuante nga një formë leukemie.

Francisco Garcia kishte një gjendje shëndetësore tw rwnduar që rezultoi që ai të ishte më i prekshëm nga virusi se zakonisht për një individ të moshës së tij,

Klubi me qendër në Malaga, Atletico Portada Alta konfirmoi vdekjen e trajnerit të ekipit të ri të hënën.

Presidenti i Portada Alta, Pepe Bueno tha: “Francisco ishte një djalë i shkëlqyeshëm dhe një trajner shumë i talentuar. Të gjithë jemi akoma të tronditur”.

“Spitali më tha në ora 7 pasdite të dielën se gjendja e tij ishte stabilizuar, por më pas një orë më vonë …”

“Koronavirusi u bashkua me një sëmundje të keqe që ai kishte. Unë nuk mund të besoj se ka ndodhur.” /

SHARE