Publikohet bilanci i të vdekurve nga koronavirusi në Itali

Në 24 orët e fundit janë regjistruar 75 viktima nga koronavirusi në Itali si dhe 355 të infektuar më shumë.

Numri i viktimave italiane nga koronavirusi ka arritur deri më sot në 33, 415 e të infektuarit në 233, 019.

Aktualisht janë 6387 pacientë të shtruar në regjim spitalor e 435 në repartet e terapisë intensive.

Pacientë të shëruar deri më sot janë 157,507 e janë 1874 pacientë të shëruar më shumë se një ditë më parë.

Persona aktivë pozitivë më Covid 19 aktualisht janë 43,691.

Në rajonin e Lombardisë më i godituri nga pandemia janë regjistruar në 24 orët e fundit 33 viktima e 210 raste pozitive më shumë.

Në rajonin e Lazios janë regjistruara vetëm 13 raste të infektuar në 24 orët e fundit e disa rajone si Calabria, Basilicata, Molise, Sardegna, Umbria nuk kanë shënuar asnjë të infektuar.

Më datë 3 qershor qeveria italiane ka vendosur hapjen e kufijve mes 21 rajoneve italiane si dhe kufijtë e jashtëm me të gjitha vendet anëtare të BE-së e të zonës Schengen.