Persona të panjohur kanë thyer një shtëpi në Banjë të Istogut prej nga kanë vjedhur një pistoletë, stoli ari, para të gatshme e gjëra tjera me vlerë, transmeton IndeksOnline.
Rasti është denoncuar në polici nga pronarja e shtëpisë e cila ka thënë se vjedhja është kryer mes datës 16 dhe 17 maj.
Ajo i ka thënë policisë se hajnat me forcë kanë depërtuar brenda në shtëpi dhe nga aty kanë vjedhur gjëra me vlerë.
Njësitë policore kanë dalë menjëherë në vendin e ngjarjes dhe kanë nisur hetimet.
Deri tani nuk ka ndonjë informacion për identifikimin apo arrestimin e kryesve të kësaj vepre./
