Gjykata Speciale ka ftuar për intervistim deputetin e Kuvendit të Kosovës nga radhët e PDK-së Ferat Shala.

Lajmin e ka bërë të ditur vet ai, derisa ka shtuar se do t’i përgjigjet ftesës me 5 shkurt të këtij viti.

“Në tërë veprimtarinë time jetësore atdhetare asnjëherë nuk jam ndi më i nderuar dhe respektuar se sa kur isha pjesë e UÇK-së! Asnjë shkronjë nuk e heq nga e kaluara ime në të gjitha periudhat e veprimtarisë sime”, u shpreh Shala, përmes një postimi të publikuar në faqen e tij zyrtare në rrjetin shoqëror “Facebook”.

Postimi i plotë

Të nderuar qytetarë të Republikës së Kosovës,

Dua të ju informoj që kam pranuar ftesë nga Gjykata Speciale në Hagë, të cilës do i përgjigjem më datë 05.02.2020.

Në tërë veprimtarinë time jetësore atdhetare asnjëherë nuk jam ndi më i nderuar dhe respektuar se sa kur isha pjesë e UÇK-së! Asnjë shkronjë nuk e heq nga e kaluara ime në të gjitha periudhat e veprimtarisë sime!

Me këtë rast, dua të falenderoj trungun tim familjarë që më edukoi në rrugën e drejtë karshi popullit dhe atdheut tim. Shpreh falenderim dhe mirënjohje për të gjithë bashkëluftëtarët, dëshmorët dhe heronjtë për sakrificën sublime që ata bënë.

Lavdi Ushtrisë Çlirimtare të Kosovës!