Tragjedia në familjen Hasani nga Gjilani, babë e bir që u vranë dje varrosen sot

Një ngjarje tragjike ka tronditur qytetin e Gjilanit ditën e djeshme.

Babë e bir, Selami dhe Edmond Hasani, të njohur si argjendarë në qytet, u vranë në rrethana të dhunshme.

Dy viktimat e kësaj ngjarjeje të rëndë do të varrosen sot në varrezat e qytetit të Gjilanit. Ceremonia e varrimit do të zhvillohet pas Namazit të Ikindisë, në ora 16:40.

Familjarë, miq, e qytetarë pritet të marrin pjesë në ceremoninë mortore, për t’u dhënë lamtumirën e fundit Selamiut dhe Edmondit, dhe për të shprehur solidaritetin me familjen Hasani në këtë moment të rëndë.