Republika e Kosovës është renditur e para në rajon, në renditjen botërore për sundimin e ligjit nga World Justice Project.
Kështu thuhet në njoftimin e Qeverisë.
Në Indeksin e Sundimit të Ligjit 2021, Kosova prinë në fusha si ajo e kufizimit të pushtetit qeverisës, mungesës së korrupsionit, për transparencë, respektimin e të drejtave të njeriut, rend e siguri, si dhe disa fusha të tjera.Sa i përket regjionit të Evropës Lindore dhe Azisë Qendrore, Kosova renditet e 2-ta në fushën e sundimit të ligjit.
Kurse, në po të njëjtën fushë, sa i përket vendeve me të hyra të mesme të larta, Republika e Kosovës zë vendin e 14-të në botë.
