Punonjësi i komunës së Klinës pjesmarrës në protestat serbe në veri, reagon VV në Klinë

VV, dega në Klinë përmes një postimi në faqen zyrtare ka bërë një reagim. Ata kanë shprehur shqetësimin e tyre në lidhje me punonjësin e Komunës së Klinës, Ratko Kostic, që sipas tyre po merr pjesë në protestën në veri.

Ky është postimi i tyre:

Mbrëmë, në orët e vona e kemi kuptuar se punonjësi i komunës tonë Ratko Kostić, në orar të punës, i bashkohet bandave kriminale në protestën e organizuar në Veri të Mitrovicës.

Kjo është e papranueshme dhe shqetësuese për ne si Lëvizje VETËVENDOSJE!, në Klinë si dhe për sigurinë e qytetarëve tanë.

Ne si Qendër i drejtohemi kryetarit të komunës dhe administratës duke kërkuar përgjegjësi se:

1. Si ka mundësi që një punonjës i komunës gjatë orarit merr pjesë në protesta të cilat mbështeten nga Vuçiq, në veri të Mitrovicës ?!

2. A ka marr leje për mungesën e tij në vend të punës ?!

3. Cilat masa janë marr për largimin e tij nga vendi i punës ?!

Ne si Qendër nga Stacioni i Policisë në Klinë kërkojmë që të merret në intervistë ky person dhe me seriozitet të trajtohet kjo çështje, sepse prania e një personi të tillë, që është përkrahës i bandave kriminale dhe që po e sfidojnë shtetin tonë nuk ka vend në komunën tonë.

SHARE