Ky është 33 vjeçari kosovar që vdiq nga koronavirusi

Sot ka vdekur një 33 vjeçar nga fshati Xërxë i Rahovecit, i cili ka qenë i infektuar me COVID-19.

Kryetari i Rahovecit, Smajl Latifi, ka publikuar identitetin dhe fotografinë e të ndjerit, duke e kujtuar si djalë me vlera të larta njerëzore.

Postimi i plotë i Latifit:

Tronditës lajmi për vdekjen e parakohshme të të riut Çlirim Morina nga Xërxa. Çlirimi do të mbetet përherë në kujtesën tonë si djalë i edukuar dhe i përgatitur profesionalisht, por mbi të gjitha si djalë me vlera të larta njerëzore.

Familjes Morina, miqve dhe të gjithë atyre që e njohën Çlirimin, ngushëllimet më të sinqerta, kurse anëtarëve të tjerë të familjes Morina u dëshiroj shërim të shpejtë!