Kryeministri Hoti i drejtohet me kërkesë të prerë pronarëve të lokaleve

Kryeministri i Kosovës, Avdullah Hoti, ka komentuar konfirmimin e 129 rasteve të reja me koronavirus sot në vendin tonë.

Sipas tij, numri i shtuar i rasteve të konfirmuara sot me Covid-19, është pasojë e moskujdesit pas lehtësimit të masave të lëvizjes.

Ndër të tjera, kryeministri Hoti ka edhe një kërkesë për pronarët e lokaleve.

Postimi i tij i plotë:

Qeveria jonë në bashkëpunim me Institutin e Shëndetësisë Publike të Kosovës është duke i zbatuar masat e rekomanduara nga Organizata Botërore e Shëndetësisë si dhe po ndjekim hapat e vendeve të BE-së për rimëkëmbje ekonomike.

Është krejtësisht në pergjegjësinë tonë që të mbrohemi dhe t’i zbatojmë me përpikmëri masat e distancës fizike. Prandaj, sërish ju bëj thirrje që të shtojmë kujdesin për neve dhe familjarët tanë!

● Vendosni maska gjatë gjithë kohës në hapësira publike

● Shmangni prekjen e syve, hundës dhe gojës me duar të papastërta

● Pastroni dhe dezinfektoni shpesh objektet dhe sipërfaqet e prekura siç janë tavolinat, tastierat, telefonat, parmakët dhe rezat e dyerve

● Mbajeni distancën fizike

● Nuk lejohet më shumë se 1 person në 8 metra katrorë në lokale

● Pronarët e lokaleve janë të obliguar të publikojnë numrin maksimal të lejuar të personave para hyrjes së lokaleve. /

SHARE