Komuna e Prishtinës ndan pesë milionë euro për mikrobizneset, 100 mijë për mediat

Kryetari i Prishtinës, Shpend Ahmeti, ka njoftuar se kanë ndarë pesë milionë euro për t’u dalur në ndihmë bizneseve të vogla në kryeqytet.

Ahmeti ka bërë me dije se gjithashtu kanë ndarë një fond prej 100 mijë eurosh për mediat që operojnë në Prishtinë. Ai ka shtuar se procesi i ndarjes së granteve do të jetë transparent në formë elektronike.

“Raportimi dhe gazetaria janë tepër të rëndësishme dhe vështirësitë financiare nuk mund të jenë arsye e mbylljes për shumicën prej tyre në këtë kohë. Komisioni për ndarjen do të jetë me shumicë nga vetë përfaqësuesit e këtij grupi me përfaqësuesit e të cilëve jam takuar javën e kaluar”, ka shkruar Ahmeti