Hyrja e forcave serbe në territorin e Kosovës, ja çka thotë ministri Veliu para deputetëve

Ministri i Punëve të Brendshme, Agim Veliu është ftuar në interpelancë për të folur rreth rastit të hyrjes së forcave serbe në territorin e Kosovës, saktësisht në fshatin Karacevë.

Ai tha se posa e ka marrë lajmin, e ka adresuar këtë cështje me urgjencë te institucionet e sigurisë së Kosovës.

“Kam adresuar këtë cështje me urgjence të institucionet e Kosovës. Në takimet e mia personale dhe sipas raporteve të institucioneve të sigurisë mund të konfirmohet se me datë 7 gusht rreth 17:30 janë vërejtur lëvizjet e tyre”

Poashtu, Veliu tha se ka kontaktuar personat relevantë lidhur me ngjarjen, ndërsa tregon se situata momentale është e qetë, por duhet të mbahet nën kontroll nga organet e sigurisë.

“Forcat serbe kanë hyrë 1 km brenda territorit të Kosovës”

“Situata momentale është e qetë, por duhet të mbahet nën kontroll nga organet e sigurisë”

Veliu tha se në takimet me Kforin, kërkuan që ushtria serbe të mos bredh shumë posht vijës kufitare dhe të koordinohen për operacione të tilla.

“Jemi duke punuar, jemi duke u dakorduar me palën serbe për të rregulluar këtë cështje”

“Institucionet e Kosovës kanë zhvilluar të gjitha veprimet e nevojshme me këtë rast, dhe jemi siguruar që qyetarët e Kosovës kanë qenë të sigurtë gjatë tërë kohës”

SHARE