Hoti kërkon ndihmë nga partitë politike për t’u kryer pagesa prej 170 eurosh për punëtorët

Kryeministri Avdullah Hoti, u ka bërë thirrje grupeve parlamentare dhe deputetëve të Kuvendit të Kosovës që të gjendet një formë për mbajtjen e seancës së Kuvendit për ta miratuar rishikimin e buxhetit.

Hoti ka thënë se e di që disa deputetë dhe një pjesë e stafit të Kuvendit janë të prekur nga koronavirusi, por ka shtuar se është nevojë urgjente të gjendet një formë për mbajtjen e një seancë për ta kaluar buxhetin.

Nga Shiroka e Suharekës, ku ka marrë pjesë në fillimin e fushatës së korrje-shirjeve, Hoti ka premtuar dyfishim të subvencioneve për bujqit.

Por, ka shtuar se kjo nuk mund të bëhet pa miratimin e buxhetit dhe marrëveshjeve ndërkombëtare në Kuvend.

Hoti ka theksuar se ky vit na ka treguar se sa e rëndësishme është që të kemi prodhues vendorë e bujq të vyeshëm.

Ai ka premtuar se qeveria do të jetë pranë bujqve për t’i ndihmuar ata për tejkalimin e gjitha problemeve.