Fermerëve të komunës së Klinës këtë vikend u ka shkuar për vizitë drejtori i Bujqësisë në Komunën e Klinës, Naser Morina, i cili ka inspektuar punimet në projektin e shpërndarjes së kanalit të ujitjes në fshatin Kpuz, që ka një gjatësi prej 1100 metra. Morina po ashtu ka vizituar edhe kultivues të perimeve në disa fshatra të Klinës. Këtë ai e ka konfirmuar përmes një postimi në rrjetin social facebook.
Postimi i tij i plotë:
“Është knaqësi kur i realizon premtimet,por edhe me i lumtur ndihesh kur fermerët jane të knaqur dhe e vlersojn angazhimin tuaj.Sotë ne inspektim të punimeve ” Kanalit të ujitjes “në Kpuz me gjatësi 1100 metra dhe vizit kultivuësve të Perimëve Bardhyl Marmullaku dhe Haki Millakut. Serat Klinë,Klinavc,Jashanic dhe Ujmirë.”
