Disa fshatra të Klinës pa rrymë e ujë tash e tri ditë, banorët kërcënojnë me protestë masive

Prej 3 ditësh, shumë fshatra të komunës së Klinës: Gjurgjevik i Madh, Ujmirë, Siqevë, Shtaricë e Dobërdol janë pa rrymë dhe pa ujë të pijshëm.

Familjet po detyrohen të hedhin ushqimin nga frigoriferët për shkak të mungesës së energjisë elektrike, ndërsa mungesa e ujit po e bën jetesën të pamundur.

Kjo është gjendje e jashtëzakonshme dhe kërkon mobilizim urgjent nga Komuna e Klinës dhe KEDS.

Në të kundërtën banorët thonë se do të dalin në protestë masive, se nuk jetohet pa rrymë e ujë./Klina info/