Zëvëndëskryeministri Besnik Bislimi ka përmendur pagën minimale, për të cilën ka paralajmëruar se do të rritet në 250 euro.
Sipas Bislimit, paga duhet të rritet konform pagës mesatare, meqë studimet e tregut të punës kanë treguar se kalueshmëria është rreth 56 për qind e pagës mesatare, e cila, nëse kalohet, i dëmton njerëzit, ka thënë ai.
Nëse rritja e pagës minimale do të jetë aq, Kosova e kalon Shqipërinë për 2 euro, ndërkaq mbetet sërish prapa shteteve tjera të rajonit. Serbia për 160 orë punë pagën minimale e ka 401 euro, Mali I Zi, 532 e Maqedonia Veriore 300.
Kosovarët e konsiderojnë të pamjaftueshme këtë rritje të paralajmëruar, duke theksuar rritjen e vazhdueshme të çmimeve në vend.
