Banorët e Sferkës kërkojnë zgjidhje për mungesën e ujit të pijshëm, takohen me kryetarin Zenun Elezaj

Në një takim me kryetarin e Komunës së Klinës, Zenun Elezaj, banorët e fshatit Sferkë ngritën shqetësimet e tyre lidhur me mungesën e ujit të pijshëm, e cila po e vështirëson jetesën e tyre, veçanërisht në ditët me temperatura të larta.

Gjatë takimit, banorët kërkuan ndërhyrje urgjente nga institucionet komunale për të siguruar furnizim të qëndrueshëm me ujë.

Ata theksuan se kjo situatë po zgjat prej kohësh dhe po ndikon direkt në jetën e përditshme të tyre, shkruan Klina info.

Kryetari Elezaj u zotua se do të ndërmarrë veprime konkrete dhe se do t’i drejtohet menjëherë kompanisë “Hidrodrini” për të kërkuar zgjidhje sa më të shpejtë të problemit./Klina info/