Arrestohet një person në Zabergjë, policia e kërkonte që katër vite

Mëngjesin e sotëm, policia e Klinës ka arrestuar një person në fshatin Zabregjë, i cili kërkohej me urdhër të Gjykatës Themelore në Prishtinë – Departamenti për Krime të Rënda, transmeton IndeksOnline.

Policia thotë se i dyshuari u arrestua për “Blerje, posedim, shpërndarje dhe shitje të paautorizuar të narkotikëve, substancave psikotrope dhe analoge”.

I njëjti është dërguar në Prokurorinë e Krimeve të Rënda në Prishtinë, pas dëgjimit nga Prokurori i çështjes, më pastaj është dërguar pranë Gjyqtarit të Procedurës Paraprake nga i cili i është shqiptuar masa e paraburgimit prej një muaji.

I dyshimti, me inicialet A.I.B., ishte në kërkim që nga viti 2016./

SHARE