Arrestohen dy persona në Gjakovë, organizonin lojëra fati

Dy të dyshuar janë arrestuar në Gjakovë pasi janë hasur duke zhvilluar veprimtari të kundërligjshme duke organizuar lojëra të fatit.

Sipas Policisë, nga vendi i ngjarjes janë sekuestruar gjashtë aparate të llojit APEX

Të dyshuarit janë dërguar në mbajtje. Ndaj tyre është inicuar vepra penale “Organizim i Skemave Piramidale Dhe Bixhozit Të Paligjshëm”.

“Rr. Dedë Gjon Luli, Gjakovë 14.01.2022 – 20:00. Janë arrestuar dy të dyshuar meshkuj kosovar pasi që në lokalin që ishin duke punuar është hasur duke u zhvilluar veprimtari e kundërligjshme e organizimit të lojërave të fatit. Nga lokali janë sekuestruar gjashtë aparate të llojit APEX. Në lidhje me rastin është konsultuar prokurori i shtetit me vendim të së cilit të dyshuarit pas intervistimit janë dërguar në mbajtje” thuhet në raportin e Policisë.

SHARE