LAJME

Kryetari Elezaj ka përcjellur nga afër fushatën e korrje-shirjeve,

21/07/2020

Kryetari i Komunës së Klinës, Zenun Elezaj,bashkë me drejtorin e Bujqësisë, Pylltarisë dhe Zhvillimit Rural, Naser Morinën, kan përcjellur nga afër fushatën e korrje-shirjeve,

ka njoftuar kryetari Elezaj përmes faqës së tij në facebook.
Postimi i tij:

Vizitë fermerëve në fushatën e korrje-shirjeve, vitin ardhshëm rrisim buxhetin për subvencione

Sot, bashkë me drejtorin e Bujqësisë, Pylltarisë dhe Zhvillimit Rural, Naser Morinën, kemi përcjellur nga afër fushatën e korrje-shirjeve, ku kemi takuar fermerë të vyeshëm, të cilët janë shprehur të kënaqur me rendimentet e grurit.

Si komunë, në bazë të mundësive buxhetore, këtë vit do të realizojmë disa projekte të rëndësishme në këtë fushë.

Ndërsa, me qëllim të krijimit të kushteve më të përshtatshme për fermerët dhe inkurajimin e tyre për punimin e tokës dhe kultivimin e kulturave bujqësore, kemi planifikuar që vitin e ardhshëm të rrisim buxhetin për subvencione.

Në Komunën e Klinës me grurë janë mbjellë 4510 hektar, 105 hektar me elb dhe 185 hektar me thekër. Për realizimin e fushatës së korrje-shirjeve, janë angazhuar 101 autokombajna, ndërsa deri më tani janë korrur 80% e të sipërfaqes së mbjellur.