Asamblisti nga radhët e LVV-së në Klinë, prof.ass.dr.sc Zafer Gashi e dhuron pagën e tij, në ndihmë të studentëve dhe familjeve të veteranëve të luftës.
Gashi një pjesë të pagës si asamblist e ka dhuruar te familja e veteranit tashmë të ndjerë Binak Met Gashi nga Sferka, dhe 100 euro kanë shkuar për studentin nga Dushi i Gjurgjevikut nga familja Marmullaku.
Madje këtë e konfirmoi vet Gashi për Klina.info
Ai tha se për 4 vite sa ai do të jetë asamblist, paga e tij do t’iu shkoj këtyre dy familjeve.
Qytetarët e Klinës e njohin dhe kanë respekt ndaj Gashit, pikërisht për humanitetin e tij.
Ndryshe ai ka ndihmuar së fundmi edhe familjet tjera të dëshmorëve,e veteranët.
Ndërsa Poliklinika që udhëheq ai “Biolab – Zafi”, ka ndarë edhe dy donacione.
Një donacion me 1000 teste të COVID-19 ka shkuar për QKMF-në “Nënë Tereza”, në Klinë.
Ndërsa me 500 euro ka ndihmuar edhe Klubin e Futbollit të Femrave, në Klinë.
