Drejtoria e Arsimit e Komunës së Drenasit pas kërkesës së kryetarit të Komunës, Ramiz Lladrovci, ka marrë vendim për suspendimin e mësimdhënësit për të cilin dyshohet se ka ushtruar dhunë ndaj një nxënësi në shkollë.
Sipas njoftimit të Komunës së Drenasit, ky vendim është marrë konfrorm Ligjit.
Njoftimi i plotë:
Suspendohet mësimdhënësi i cili ushtroj dhunë fizike ndaj nxënësit
Pas kërkesës së kryetarit të Komunës, Ramiz Lladrovci, drejtuar Drejtorisë Komunale të Arsimit për marrjen e masave sipas Ligjeve të aplikueshme, kjo e fundit ka marr Vendim në bazë të kompetencave që ka, konfrorm Ligjit, deri në përfundimin e procedurave të Komisionit Disiplinor për suspendimin e mësimdhënësit i cili ka ushtruar dhunë fizike ndaj nxënësit.
Komuna e Drenasit dhe Drejtoria Komunale e Arsimit, mbeten të përkushtuara në zbatimin e ligjeve dhe marrjen e masave për të gjithë ata që bien ndesh me to, në mënyrë që të krijohet një klimë e mirë dhe efikase në procesin edukativo e arsimor në të Institucionet Arsimore të Komunës së Drenasit. /
