Sokol Bashota: Nëse fuqizohet gruaja, fuqizohet familja, shoqëria dhe gjithë kombi

Kandidati i PDK-së për kryetar të Komunës së Klinës, Sokol Bashota, ka zhvilluar një takim të veçantë me qindra gra, të organizuar nga Forumi i Gruas Demokratik të Klinës.

Në këtë tubim, Bashota theksoi rëndësinë e fuqizimit të gruas në shoqëri si themel për zhvillim të qëndrueshëm dhe të drejtë, shkruan Klina Info.

Statusi i plotë i Bashotës:

NËSE FUQIZOHET GRUAJA, FUQIZOHET FAMILJA, SHOQËRIA DHE GJITHË KOMBI!

Sot patëm një takim të jashtëzakonshëm organizuar nga Forumi i Gruas Demokratik të Klinës, gra të forta, të përkushtuara dhe me vizion të qartë për të ardhmen. Takim ku morën pjesë qindra gra të vendosura për të dhënë kontributin e tyre në ndryshimin e madh që po vjen.
Forumi i gruas është forca lëvizëse e ndryshimit, zëri i guximshëm i shoqërisë dhe garancia se politika jonë do të ketë gjithmonë zemrën dhe mençurinë e nënave, motrave dhe bijave tona.
Ky tubim dëshmoi edhe një herë se pa gruan nuk ka zhvillim të drejtë, pa gruan nuk ka shoqëri të shëndoshë dhe pa gruan nuk ka të ardhme të sigurt.
Në fjalën e tij, kryetari Sokol Bashota theksoi: “Ashtu siç e kam bërë listën për Kuvendin e Komunës me gati 50% gra, ashtu nesër pas fitores do ta bëj edhe ekzekutivin.”
Ky mesazh i qartë është zotim dhe garanci se gruaja në Klinë do të ketë vendin që e meriton, në vendimmarrje, në drejtim dhe në të ardhmen e komunës sonë.
Kënaqësi që mes nesh ishin edhe deputetet e Kuvendit të Kosovës: Vlora Çitaku, Blerta Deliu, Ganimete Musliu, Ariana Shoshi, si dhe Valdete Idrizi, Safete Hadërgjonaj e shumë të tjera, të cilat me prezencën dhe fjalët e tyre frymëzuese dhanë kurajë dhe besim për rrugëtimin tonë.
Me energjinë dhe vendosmërinë e këtyre grave, besimi ynë në fitore dhe ndryshim rritet çdo ditë!