Java e ardhshme do shënojë kulmin e COVID-19 në Shqipëri

Java e ardhshme pritet të shënojë pikun e koronavirusit në Shqipëri. Ky është parashikimi i ekspertëve gjatë mbledhjes së Komitetit teknik të Epidemisë së Koronavirusit të drejtuar nga kryeministri Edi Rama mbrëmjen e 3 prillit.

Shefja e epidemiologjisë në Institutin e Shëndetit Publik, Eugena Tomini, u shpreh se java e 5 që nga shfaqja e pacientit zero në Shqipëri do të përbëjë dhe kulmin e zhvillimit të këtij virusi në vendin tonë, çka pritet të shoqërohet dhe me më shumë të prekur.

I të njëjtit qëndrim ishte dhe doktori Tritan Kalo i cili theksoi se virusi do 5-6 javë të zhvillohet.

“Do të paktën 5-6 javë të tregojë fytyrën e vërtetë dhe më pas të ndërtojmë idera ose mendime që jemi duke zbritur në shkallë”. Kryeministri, Edi Rama deklaroi se në varësi të situatës qeveria pasi të konsultohet me ekspertët do të bëjë një lehtësim të masave që ka marrë për këtë situatë

SHARE