Një rast shqetësues është raportuar në fshatin Miradi e Ulët, ku një i mitur dyshohet se nën kërcënimin e një thike i ka marrë 2 euro një bashkëmoshatari të tij.
Sipas njoftimit të Policisë së Kosovës, ankuesi – babai i viktimës – ka deklaruar se ky nuk është incidenti i parë, pasi ngjarje të ngjashme kanë ndodhur edhe më herët.
I dyshuari, gjithashtu i mitur, është arrestuar nga policia dhe pas intervistimit, me vendim të prokurorit të shtetit, është dërguar në mbajtje.
Rasti është cilësuar si “Detyrim” dhe hetimet janë duke vazhduar për të sqaruar rrethanat dhe përsëritjen e mundshme të sjelljeve të tilla.
