Amerikanët mendojnë se Zoti me COVID-19 i dërgoi porosi njerëzimit “për të ndryshuar”

Një e treta e besimtarëve në SHBA, mendojnë se Zoti me anë të koronavirusit të ri (COVID-19) i dërgoi porosi njerëzimit për të ndryshuar mënyrën e jetesës.

Anketa e bërë nga Fakullteti i Teologjisë i Universitetit Chicago dhe Qendra e Hulumtimit të Çështjeve Publike NORC – Associated Press, tregoi se njerëzit mund të jenë në kërkim të kuptimit më të thellë në pandeminë COVID-19.

Sipas rezultateve të anketës, 31 për qind e amerikanëve besimtarë mendojnë se COVID-19 është një porosi e Zotit të cilën e ka dërguar për ndryshimin e njerëzimit.

Përqindja e amerikanëve me ngjyrë që besojnë se COVID-19 është porosia e Zotit, pa bërë dallime arsimore, gjinore dhe të të ardhurave, është më e lartë nga komunitetet tjera.

Këtë pikëpamje tek afro-amerikanët e mbrojnë 47 për qind, tek latinët 37 dhe 27 tek amerikanët e bardhë.

Numri i personave të vdekur nga COVID-19 në SHBA është rritur në 86.970, ndërsa janë infektuar mbi 1,46 milionë.