Një aksident i rëndë në trafik ka ndodhur sot rreth orës 10:40 në rrugën Gjakovë – Prizren, saktësisht në fshatin Bishtazhin, ku si pasojë ka humbur jetën një person,
Rastin e ka konfirmuar zëdhënësi i Policisë së Kosovës për Rajonin e Gjakovës, Sheremet Elezaj, i cili ka bërë me dije se në aksident janë përfshirë një veturë dhe një kamion.
“Rreth orës 10:40 është raportuar aksident trafiku në fshatin Bishtazhin (rruga Gjakovë-Prizren). Policia ka dalë në vendin e ngjarjes ku të përfshirë në aksident kanë qenë një kamion dhe një veturë. Për pasojë një person, mashkull i moshës madhore, ka humbur jetën (ekipi mjekësor në vendin e ngjarjes ka konstatuar vdekjen e tij). Rasti është duke u trajtuar nga Njësia Rajonale e Komunikacionit Rrugor”, ka thënë ai.
Ndërkohë mediat lokale kanë publikuar pamje nga vendi i ngjarjes.
